«GEPA-SEEM» INFUZION ERITMASINING O‘TKIR TOKSIKLIK KO‘RSATKIChLARINI EKSPERIMENTAL BAHOLASh
- Информация о материале
- Категория: 2026 год
«Инфекция, иммунитет и фармакология» · № 5/2026 · с. 143–149
Umirdinova Volidaxon G‘ofurjonovna, Normaxamatov Nodirali Soxobatalievich, Toshtemirova Charos Toshtemirovna, Raxmonova Dilfuza Sayfullo qizi
Toshkent farmatsevtika instituti
Annotatsiya
Maqolada «GEPA-SEEM» infuzion eritmasining o‘tkir toksiklik xususiyatlarini eksperimental baholash natijalari bayon etilgan. Tadqiqot ob’ekti sifatida tarkibida L-sistein gidroxlorid, glitsin va monoammoniy glitsirrizinat saqlovchi 100 ml hajmdagi infuzion eritma olindi. Toksikologik ta’sirni baholash uchun 19–21 g vaznga ega oq zotsiz sichqonlardan foydalanildi. Preparat hayvonlarga 141, 447 va 720 mg/kg dozalarda bir marta qorin bo‘shlig‘i ichiga yuborildi. Keyingi 14 sutka davomida hayvonlarning umumiy holati, tashqi ko‘rinishi, harakatchanligi, ovqatlanish va suv qabul qilishi, tana vazni hamda patologik o‘zgarishlar mavjudligi nazorat qilindi. Eksperiment natijalarining tahlili o‘rganilgan dozalarning birortasida ham hayvonlar o‘limi qayd etilmaganini ko‘rsatdi. Shuningdek, kuzatuv davrida preparat ta’siri bilan bog‘liq yaqqol patologik belgilar aniqlanmadi. 720 mg/kg miqdori tadqiqotda qo‘llanilgan eng yuqori doza bo‘lib, ushbu dozada ham letal holat kuzatilmagan. Shu asosda «GEPA-SEEM» preparati uchun LD₅₀ ko‘rsatkichi 720 mg/kg dan yuqori ekani belgilandi. Olingan natijalar preparatning o‘rganilgan eksperimental sharoitlardagi o‘tkir toksiklik profilini tavsiflash imkonini beradi.
Kalit so‘zlar: «GEPA-SEEM», infuzion eritma, o‘tkir toksiklik, LD₅₀, toksikologiya, eksperimental tadqiqot, oq zotsiz sichqonlar, toksikologik baholash, doza, xavfsizlik.